లక్ష బర్రెలు తిన్న రాబందు

లక్ష బర్రెలు తిన్న రాబందు

కోటి బర్రెలకు ఆశ పడింది

ఆశపడుడు ఆలస్యం

రైతుబంధు వేషం గట్టింది

వేషం బాగనే కుదిరింది 

భాష బాగనే అమిరింది 

భజనవర్గాలు గుమికూడినై

రాబందు రైతుల జమచేసింది 

నేనే దిక్కని నమ్మ బలికింది 

నీ గొర్రెల బర్రెల కాపాడేది 

నేను గాక ఎవరని అడిగింది 

నమ్ముడు మొదలు పెట్టిండు రైతు 

నమ్మక ఇంకేం జేస్తడు రైతు?

బర్రెల కాసేటోడు గొర్రెల కాసేటోడు

మందల దగ్గర జాడ పత్తా లేరు

ఇమాన్‌దారీ  ఇడిచి పెట్టి

జవాబ్‌దారీ జాడ మరిచి    

మూడు రంగుల రంగమెక్కి  

కుర్చీ ఆటలు ఆడబట్టిన్రు 

మందలిస్త డనుకున్న పెద్దకాపు 

మందల గాలికొదిలేసి 

పచ్చదుప్పటి కప్పుకొని 

పగటికలలు కనబట్టిండు 

రణభేరి మొగిస్తున్నట్టు

రాబందుల నరికేస్తున్నట్టు...