Monday, June 13, 2011

జాతీయవాదం అంటే ఏంటి?

అసలు జాతీయవాదం అంటే ఏంటిది? మన జాతి అంత ఒక్కటి అని గుర్తించుడు. మన జాతి మొత్తం గొప్పదే అని భావిస్తూ జాతి మీద అభిమానం కలిగి ఉండుడు. ఇక్కడ జాతి అంటే భారత జాతి  అని గుర్తించాలే. 

ఆవిధంగ కాక, మాది తెలుగు జాతి అని తమిళుల నుంచి విడిపొయ్యి వచ్చినోల్లది ఏరకమైన జాతీయవాదం? అదే విధంగా తెలుగుజాతి పేరు చెప్పి రాష్ట్ర విభజనను అడ్డుకుంటున్న వాళ్ళది ఏరకమైన జాతీయవాదం? భారత జాతి మొత్తం ఒకటే అయినప్పుడు, మరి తెలుగుజాతి అన్న విభజన ఎందుకు. పాలానా సౌలభ్యం కొరకు ఒక భాష మాట్లాడే వాళ్ళను ఒక రాష్ట్రం కింద చేసి ఉండొచ్చు. కాని ఒక భాష మాట్లాడే వాళ్ళందరూ ఇష్టం ఉన్నా లేకపోయినా ఒకే రాష్ట్రం కింద ఉండాలే అనుడు సంకుచిత ప్రాంతీయ వాదమా, జాతీయవాదమా?

మరి ఇంత సంకుచితంగా తమ ప్రాంతీయ విషాన్ని వేలిగాక్కే వాళ్ళు జైపాల్ రెడ్డి వ్యాఖ్యలకు ఎందుకు పరవశించి పోతున్రో వాళ్ళకే అర్థం కావాలె. ఎందుకో వేరే చెప్పా నవసరం లేదు. ప్రత్యేక తెలంగాణా ఏర్పాటును అడ్డుకునే ఏ చిన్న వ్యాఖ్య ఏవరి నోటినుండి విన్నా వీళ్ళకు వీనుల విందుగనే ఉంటది. కాని నిజానికి కరడుగట్టిన ప్రాంతీయ వాదులారా, జైపాల్ రెడ్డి వ్యాఖ్యలను సరిగ్గా విశ్లేషించు కొండి. వాటిలో మీరు పరవశించి పొయ్యేటందుకు ఏమీ లేదు.

నిజంగా జైపాల్ రెడ్డి వ్యాఖ్యలు మీరు నమ్మినట్టయితే, మీ ప్రాంతీయ దురహంకారాన్ని, తద్వారా అంటుకున్న సమైక్య వాద జాడ్యాన్ని వదిలెయ్యండి.     మనం ఒక్క జాతిగా ఉందాం, ఒక్క రాష్ట్రంగ ఉండే అవసరం లేదు. ఒక్క దేశంల పౌరులుగ బతుకుదాం.

1 comment:

  1. I read this article on other blog
    http://visalandhra.blogspot.com/2011/06/blog-post_1439.html

    I would like to read this blogger take on this, my curiosity is, Is this educated blogger's are considering facts too or just going by emotions?

    Note: You can delete this if it is against your blog rules.

    Thanks

    ReplyDelete