విశాలాంధ్ర వాదుల అబద్ధాల పరంపర

తెలంగాణా ఏర్పాటు దగ్గర పడుతున్న కొద్దీ సమైక్య వాదుల పిచ్చి ముదిరి పాకాన పడుతుంది. దాంతో వారు ఏమి రాస్తున్నారో వారికే తెలియడం లేదు. ఏదో ఒక న్యూస్ పేపర్ కటింగ్ దొరగ్గానే ఆవురావురు మనుకుంటూ తెచ్చి పెట్టి దానికో పిచ్చి ఆర్గ్యుమెంటు జత చేస్తారు. తమ అబద్ధాలకు ఏవో వంకర సాక్ష్యాలను జోడిస్తే అవి నిజమని భ్రమింప జేయవచ్చని వారిదో వెర్రి ఆశ.

ఆ పరంపరలో వచ్చిందే ఈ వ్యాసం. రెండు ఆంద్ర పత్రిక పేపరు కటింగులు సంపాదించి 1956 లో ఆంధ్రా తెలంగాణా ఆదాయాలు రెండింటిలోనూ లోటు వుందని నిశ్చయించేశారు. వారు నిశ్చయించారు కాబట్టి తెలంగాణా ఆదాయాన్ని ఆంధ్రావారు కొల్లగొట్టారని చెప్తున్న వాదన తప్పని తేల్చే ప్రయత్నం చేస్తూ, పనిలో పనిగా వారికి మాత్రమే సహజమైన అవాకులూ, చవాకులూ కూడా పేలారు. దానికి సమాధానంగా శ్రీ మల్లికార్జున శర్మ గారు భార్గవ కమీషన్ రిపోర్టు ఉదాహరించారు. దానిలో క్రింది విధంగా వివరించబడి వుంది.

1. Revenue Surplus of Telangana area
During the Third Plan period 24.18
2. Shortfall of Capital Expenditure in the Telangana area compared to one-third of the total capital expenditure in the State 6.56
TOTAL 30.54

9. The decision was communicated to the Chairman, TRC through a letter of 17-06-1968 from Finance Secretary. The Chief Minister also agreed that on this basis the balance of the Second Plan surpluses of Rs. 3.70 crores would be provided – Rs. 2.80 crores in 1968-69 and about Rs. 90 lakhs thereafter. Therefore, in all about Rs. 34.24 crores (Rs. 30.54 + 3.70 crores) would have to be provided for the Telangana region over and above its one-third share.     

పై నివేదికలో ఏమి తెలుస్తుంది? రెండవ పంచవర్ష ప్రణాళిక (1956-61) లో రూ 3.70 కోట్లు, మూడవ పంచవర్ష ప్రణాళిక (1961-66) లో రూ 30.24 కోట్లు, మొత్తం కలిపి రూ 34.24 కోట్లు తెలంగాణా ఆదాయాన్ని ఆంధ్రాలో వినియోగించారని. ఆ ఆదాయాన్ని తిరిగి నాలుగో పంచవర్ష ప్రణాళికలో తెలంగాణలో కర్చు పెట్టాలని. కాని ప్రతిసారి నిధులు అటు మల్లిన్చాదమే అలవాటుగా పెట్టుకొన్న పక్షపాత పాలకులు తర్వాత TRC నే రద్దు చేశారు. TRC ఉన్నప్పుడే ఈ విధంగా ప్రవర్తించిన వారు, అది రద్దయిన తర్వాత ఏవిధంగా ప్రవర్తిస్తారో ఊహించలేని విషయం కాదు. దానికి తర్వాతి పరిణామాలే సాక్షి.

నిజాలు ఇలా బట్టబయలయ్యే సరికి తాము ఉదహరించింది హైదరాబాదు స్టేటు బడ్జెట్ అని, తెలంగాణా ఆదాయం గురించి కాదని సన్నాయి నొక్కులు నొక్కుతూ పలాయన మంత్రం చిత్తగించారు చివరి వ్యాఖ్యలో. మరి తెలంగాణా ఆదాయం గురించి కానప్పుడు తెలంగాణా వారిని అబద్ధాలు చెపుతున్నారంటూ ఆడిపోసుకోవడం ఎందుకు? 

ఇక పొతే వారు ఇంకో పోస్టులో వారికి హైదరాబాదులో వున్న భవనాలపై ఏమాత్రం కన్ను ఉండేది కాదని, అసలు వారికి ఆ భవనాల గురించే తెలియదని, వారికి కేవలం ఓరుగల్లులోని దేవాలయాలు తప్ప మరేమీ తెలియదని చెప్పుకొచ్చారు. దానికి ఎలుక సాక్ష్యంగా 1956 మార్చి 7 వ తేదీ మూడో పేజీ బొమ్మ వేశారు. వీరి తర్కం ప్రకారం సదరు మూడో పేజీలో చెప్పక పొతే ఇక వారికి హైదరాబాదు గురించి కానీ, అక్కడి భవనాల గురించి కాని తెలియనట్టే నట! మరి ఇలాగే వుంటాయి సమెక్కుడు నంగనాచి కబుర్లు.   

1956 ఫిబ్రవరి 1 న నీలం సంజీవరెడ్డిగారు ఆంధ్రా అసెంబ్లీలో చేసిన ప్రసంగపాఠం చూడండి...

ఇక ఇప్పుడు ‘ఆంధ్ర రాష్ట్రం ప్రత్యేక రాష్ట్రంగా పెడతాం, 5 ఏండ్ల తర్వాత అలోచిస్తాం’ అనే సమస్యను కొందరు లేవదీస్తున్నారు. ప్రత్యేక రాష్ట్రంగా ఉండడం వల్ల ఎన్ని ఇబ్బందులున్నాయో హైదరాబాద్‌లోని మన మిత్రులకు తెలియకపోలేదు. మద్రాసులో మన ఆఫీసులు, ఇంకో చోట కొన్ని ఆఫీసులు చిందర వంద రగా ఉండటం వల్ల, మద్రాసులోని మన ఆఫీసుతో ప్రభుత్వానికి సంబం ధం లేకుండా ఇప్పటికి రెండున్నర సంవత్సరాలనుండి ఎన్నో ఇబ్బందు లకు గురయ్యాం. ఇప్పటికిప్పుడే ఈ కర్నూలు పట్టణంలో రెండున్నర కోట్ల రూపాయలు ఖర్చు పెట్టాం. 5 ఏళ్ల వరకూ మన ఆఫీసులన్నీ మద్రాసులో ఉంచుకొని, ఈ కర్నూలులో ఉండి ఈ ప్రభుత్వం ఈ రకంగా అవకతవకలుగా ఉండడమేనా? ఈ ప్రభుత్వం ఆంధ్రుల శ్రేయస్సుకోసం అంతా కలిసి ఒకే చోట ఉంటే, మన ప్రభుత్వం నడుపుకోడానికి విశాలాంధ్ర రాష్ట్రం త్వరగా రావడం ఎంత మంచిదో ఆలోచించుకోమని కోరుతున్నాను. ఐదు ఏళ్ల పాటు ఇక్కడ ఉండవలసి వస్తే, మరొక మూడు కోట్లు ఖర్చుపెట్టి, అనవసరంగా వృధాగా ఖర్చుపెట్టి 5, 6 ఏళ్ల తర్వాత మూట ముల్లె కట్టుకొని హైదరాబాద్‌ పోవడం ఎవరికి వచ్చిన లాభమో ఆలోచించమని అడుగుతున్నాను.

పై ప్రసంగంలో ఏం తెలుస్తుంది? విశాలాంధ్ర ఏర్పాటు కోసమై వారి తహతహ ఎందుకోసమో వివరంగా తెలియడం లేదూ? హైదరాబాదులో తెరగా భవనాలు ఉన్నాయనే విషయం తెలియకుండానే వారు ఆ విధంగా ప్రసంగించారంటారా? దటీజ్ సమైక్య వాదం!