విభజన ఇక అనివార్యం, కడపే దానికి ఆద్యం

విసుగెత్తిరి ప్రజలంతా
వినలేక సమైక్య వంత
తప్పదు విడిపోద మనిరి
దళితులు మేధావులంత

దోపిడినే బలుపంటూ
తొండిగ మాట్లాడువారు
చీకటినే వెలుగంటూ
ఎవరిని నమ్మించ గలరు?

ఊకదంపుడును దంచే
నైపుణ్యం నీ పెన్నిధి
దాయాదుల కబళించే
సంకల్పం నీకున్నది

దోపిడీ దారులకది
మహా పెద్ద సిండికేటు
ఐకమత్యమే పునాది
డబ్బే తన కనికట్టు

జనమంతా గమనించిరి
మీ ముద్దులు కౌగిళ్ళు
ఇకనైనా మారకుంటె
హూనం జేస్తరు ఒళ్ళు

విశాలాంధ్ర మాట ఇంక
పనికి రాని చిల్ల పెంక
జగమెరిగెను ఈ సత్యం
విభజన ఇక అనివార్యం
కడపే దానికి ఆద్యం
కాగల గంధర్వ కార్యం