తెలంగాణా కాంగ్రెస్ నాయకులు

గారడీలు మానండి కాంగ్రెస్ నాయకులారా 

ప్రజలంతా వింటున్నరు పనికిరాని మీమాటలు 

తెచ్చేదీ మేమంటరు ఇచ్చేదీ మేమంటరు

తెలంగాణా రాకపోతే తెలుసు మీరే సస్తరు

శవాలపై ఒట్టుపెట్టి శాన శాన వాగిన్రు 

మంత్రి పదవి దొరుకంగనే మాట మర్చి పోయిన్రు 

మందిలోకి వచ్చినపుడు మాటల వీరంగం

ఢిల్లీకి వెళ్ళంగనె పిల్లే మీకంటె నయం

ప్రణభును కలిసిన మంటరు బాతఖాని కొడుతుంటరు

కనబడితే చాలు వాని కాళ్ళమీద పడిపోతరు

రాజీలే మీబతుక్కు రాజీనామా లింకెక్కడ

సీమాంధ్రులు విసిరేసే చిల్లరకోసం గడబిడ

సాగవింక మీ ఆటలు చావు తెలివితేటలు 

ఊల్లె అడుగు పెట్టలేరు ఉద్యమించ కుంటే