"అన్నా ఇంక కలిసుండుడు కుదరదు గని విడిపోదామే. మనం కొట్టుకునుడు, ఇంట్ల పెళ్ళాలు కొట్టుకునుడు, పిల్లలు కొట్టుకునుడు బాగ లేదే"
"అట్లనా తమ్మీ. విడిపోనీకి నాకు ఏం బాధ లేదు తమ్మీ. నా బాధంతా నీగురించే. విడిపోతే నువ్వు, నీ కుటుంబం ఎట్ల బతుకుతారా అని ఆలోచిస్తున్న"
"గట్లంటవేందన్న, నాకేమయిందని?"
"నీ పెళ్లానికా ఏం వండాల్నో తెలువదు. నా పెళ్ళాం ఉయ్యాల్ల గూచొని ఏం వొండాల్నో చెప్తేనే గది వండుతది. రేపు విడి పోతే గామాట ఎవరు జెప్తరు తమ్మీ?"
"అట్లనా? సల్లని మాట జెప్పినవన్న! మా వదిన చెప్తే గాని నా భార్యకు వండుడు తెల్వదన్న మాట! ఏదో తోచింది వండుకుని తినటం లేరాదే"
"గట్లంటే ఎట్ల తమ్మీ? నీ భార్య సంగతటుంచు, నీ పనే చూడరాదు! నేను పేకాట క్లబ్బు నుంచి, మందు నిషా తగ్గినప్పుడు సెల్ ఫోను చేసుకుంట అరుసుకుంటే గాని పొలానికి ఏ కలుపు తీయాలే, ఏ మందు కొట్టాలె నీకు తెలవదు. గట్లాంటిది నాతోని విడిపోతే గయ్యన్ని ఎవరు అరుసుకుంటరు? నీకొచ్చే కష్టాలు తలుసు కుంటేనే భయమైతుంది తమ్ముడూ"
"ఆహా! కూరగాయలు అమ్మిన బాపతు డబ్బులు పంపమని చెప్పుడు తప్ప ఇంకో ఫోను కాలు నీతాడి నుండి వచ్చినట్టు యాదికి లేదే! అయినా గా ఫోన్ల సంగతి నాకెందుకులే గని ఏదో చేసుకుంట లే అన్న, నాకు తోచినంత పని; నాగురించి దిగులు పడొద్దు"
"అట్లగాదురా. నేనెంత కమీనా గాన్నో నీకు తెలియంది గాదు. తిమ్మిని బమ్మి చేసేటోన్ని నేను. రేపు మనం వేరు బడ్డంక నీ పొలానికి నీళ్ళు దొరుక కుండ కాలువ తిప్పుకో గలను. నువ్వు కొన్న ఎరువులు రాత్రికి రాత్రి నేను చల్లుకో గలను. నువ్వు కొన్న పురుగుల మందులు నేను వాడుకొని ఆ డబ్బలల్ల నీళ్ళు కలిపి పెట్ట గలను. అంతెందుకు? నువ్వు పండించిన ధాన్యం కూడా నేనే షావుకారికి అమ్ముకొని, ఆ డబ్బులతో జల్సా చేసుకోగలను. ఇంకా చేప్పాల్నంటే ... "
"!*^(%&*$*&#%!"
Manchiga rashinave anna.
ReplyDelete"నీ దుఖమే నే కోరుకున్నా
ReplyDeleteనిను వీడక అందుకే తోడున్నా"
ఒక పాత హిట్ పాటకు పారడీ!