నేను తెలంగాణాకు వ్యతిరేకం కాదు - చంద్రబాబు

వందలాది పోరలు
తెలంగాణా రందితోటి
వొళ్ళు కాల్చుకోని
ఉరేసుకొని చస్తుంటే
నీకు తెలంగాణావాదం కనపడదు

ఉద్యోగులు వ్యాపారులు
బడిపిల్లలు బడుగు జనులు
జీతాలను పణంబెట్టి
సకలజనులు సమ్మె జేసినా
నీకు తెలంగాణా వాదం వినపడదు

నిన్నటికి నిన్న
అసెంబ్లీలో తెలంగాణా
తీర్మానం పెట్టాలని
తోటి ఎమ్మెల్యేలు వాకవుట్లు చేస్తే
నీకు తెలంగాణా వాదమే లేనట్టనిపిస్తది

ఉప ఎన్నికలు వచ్చి
తెలంగాణా సీట్లకోసం
వోట్లు కావాలని గుర్తొచ్చి
మీటింగుల్లో దేబిరించేటప్పుడు మాత్రం
నువ్వు తెలంగాణాకు వ్యతెరేకం కాదా?

ఈ ఒక్క కారణం చాలదా సారూ
నిన్ను తెలంగాణా
పొలిమేర చివరిదాకా
తన్ని తరిమేసేటందుకు?
నీ పార్టీ అడ్రసు హరాం జేసేటందుకు?